تعرف على فريق الرياض

Untitled_Artwork 20.png

الاسم: نورا عقيلي.
اللقب: مقبرة الأفكار.  

التخصص: خريجة علوم حاسب.
نورا "شديدة للأفضل" على قول الفريق . نورا يجيها انهيار عصبي لو جلست شغلة ما خلصت واهتمامها بالوقت عالي. نورا برضه مقبرة الأفكار (لأن ما عندنا فلوس نعمل هالأفكار الرهيبة )، هي مصمم خربشة الشاطح اللي نخليه يكرف صباح ليل (مسكينة) لكنها سعيدة بالكرف. وفي الأخير عشان نقتبس علي: "نورا هي قائد السفينة الي جالس يجدف مع الكل".

Untitled_Artwork 12.png

الاسم: عمار علي.
اللقب: Old soul.

التخصص: طيّار طالب.
في رحلة مستمرة للبحث عن ذاته ودائما يسأل نفسه ‫“من أنا؟”. يحب العمل بمفرده ولو كان يعمل في مجموعة يعطي كل طاقته‬ وإخلاصه. عمار من أقدم المتطوعين في خربشة وهو راعي الأفكار الرهيبة ودائما مستعد لتنفيذها. محب للغة العربية وينهار من كلجات الفريق.

ملاحظة: عمار من عشاق معصوب فطور فارس.

Untitled_Artwork 8.png

الاسم: مهند الجعيدي.

اللقب: أخطبوط يسوي أشياء كثيرة في نفس الوقت.

التخصص: هندسة كيميائية.

مهند سبب أساسي لنشوء (مقبرة نورا للأفكار)، وهم الاثنين عاملين توم وجيري! "he goes the extra mile" في كل عمل. مرن في التعامل والجوكر للعمليات. مهند يفهي أحيانًا ويجيب أفكار نكون ناقشناها وقلنا إننا مو في الوقت والمكان المناسبين لها حاليا. يحاول دايما يرفع سقف (خربشة) ويصنع مصادر دخل أخرى عشان نحقق الاستدامة المالية. وهاجسه هو حوكمة الفريق ودايم يحب يشطح بالأفكار والحملات الاجتماعية اللي تهدف لرفع مستوى الثقافة بالرفق بالحيوان.

Untitled_Artwork 8.png

الاسم: عبدالرحمن القويز.
اللقب: دكتورنا.
التخصص: طب بشري.
القويز طالب طب في سنواته الأخيرة. عبدالرحمن اجتماعي وعاطفي بشكل كبير ويحب جميع أنواع الحيوانات ويتمنى الخير للجميع. يستغل عبدالرحمن خبرته البسيطة في الطب في معالجة الحيوانات المصابة وتقديم الاستشارات الطبية البسيطة للمنقذين الآخرين.

Untitled_Artwork 5.png

الاسم: دانية الربيعان.
اللقب: بنت خربشة المليئة بالفضول. 

دانية من أصغر أعضاء خربشة، شغيلة وما تحب تترك أي ثغرات بشغلها (عشان كذا تجلس سنة على بال ما تخلص مهامها). طموحة وعندها أفكار الدنيا لكن ٩٩.٩٪؜ منها غير واقعية، مهتمة بالجانب السيكولوجي للحيوانات والتكنولوجيا المساعدة سواء كانت للإنسان أو الحيوان. دانية تعتبر جمعات خربشة والجلوس معهم إلهام لها لأنها تتعلم شي جديد منهم في كل جمعة.

Untitled_Artwork 5.png

الاسم: ماجد القرني.

اللقب: جمل خربشة.

التخصص: طالب معماري.

جزء صغير من فريق عظيم، أطمح معاه نكون رقم واحد في مجالنا. أفضل الوحدة غالبا، ودائما متوتر. يقولون بأني هادئ وجدّي وما أنسى (ما أتفق). مهتم جدا بمصادر دخل خربشة، لأني أعتبرها العمود الأساسي للمساهمة في استمرار عملنا وتحقيق أهدافنا. أتنرفز من الأخطاء الإملائية.

Untitled_Artwork 7.png

الاسم: رهف.
التخصص: طالبة إدارة أعمال.
رهف محبة للبيئة والقراءة، هادية بس نشطة  (كيف لا تسألوني). تعمل تحت الضغط بشكل ممتاز وتصدمك بروعة المخرجات. عندها نظرة فنية، ولما نتورط ايش نكتب رهف تنقذنا، ونحب أخوها الصغير الفزعة مرة.

Untitled_Artwork 18.png

الاسم: هديل البيات.
اللقب: أم القطط العجايز.
التخصص: طبيبة امتياز (ارسلوا المساعدة).
هديل تهتم بتفاصيل عملها ودائماً متحمسة. لها حضور رهيب وتدخل القلب بثواني. هديل من النوع اللي يختفي فترة بعدين يلخمك بالحماس والشغل الرهيب.
لسبب ما، معظم القطط اللي تحتضنهم يكونون عجايز.

Untitled_Artwork 10.png

الاسم: غدي الزهراني.
اللقب: أم قطاوتنا.
التخصص: طالبة قانون.
شخصية اجتماعية وعاطفية جداً. بسيطة ومرحة تعطي للمكان روح وما تبخل على أحد بالكلمة الحلوة. عندها مختلف أنواع الحيوانات الأليفة وعلى قول الوالدة القائدة "غرفتها حظيرة حيوان". صح بدأ مشوارها مع (خربشة) قريب، لكن مساعدتها للقطط بدأت من وقت طويل. غدي تحامي عن قطط وبشر وما تحب الغلط أبداً. معلومة ما تهمكم: قمة سعادتها كباية شاي.

Untitled_Artwork 17.png

الاسم: نوره العسكر اللقب: Legally Browne

التخصص: إدارة العقود

نوره الاكثر انصاتاً بخربشة! دائماً ساكته لين يلهمونها الفريق وتقدر تعطي افكار ناريه. السكوت عندها مو علامة الرضا تنتظر الجميع ياخذ راحته بالنقاش وبعدها تسكرها بوجهنا بحجة "شغلكم مب قانوني" شغّيله وتحب تاخذ المهام المتعلقه بالجوانب الاداريه اكثر من العاطفيه والمجتمعيه خربشة يعتبر جزء لايتجزأ منها لانه اسلوب حياتها.

IMG_3469.JPG

الاسم: آية الحاج.

اللقب:ارتست خربشة.

 كل شيء قدام عينها ترسم عليه، بمجرد ماتشوفها تعرف إنها فنانة ،الموسيقى والقهوة وكتابات هاروكي هي إلهامها .مهووسة بالقطط واللون الأصفر وتجميع الأكواب بدون سبب ، ومعجبة كبيرة بفريق خربشة وانجازاتهم. يقولوا إنها تنفع تكون (storyteller) عشان نبرة صوتها العميقة.

ودك تصير جزء من الفريق ؟ 

ارسل لنا سيرتك الذاتية أو شرح عنك على بريدنا الالكتروني 

 فريق الرياض : karbashapet@gmail.com